Albistea (Web 2.0 eta Kazetaritza)

Web 2.0 eta Kazetaritza irakasgaian albistea, iritzi artikulua eta erreportajea egin behar genuen. Hiru testu hauek web orrialde batean edo blogean publikatzeko aukera eman digu irakasleak, nik Sustraietatik blog honetan publikatzea erabaki dut:

Frank Lloyd Wright lana Guggenheim Museoan ikusgai

Espazioaren gaineko pentsamenduaren garrantzia eta bizitza modernoan izan duen eragina aditzera eman nahi dira 80 proiektu desberdinen bidez. Erakusketa hau hobeto ulertzeko argazkiak, marrazkiak, bideoak edo animazio digitalak dira besteak beste erabili izan diren euskarriak.


Bilboko Guggenheim museoak Frank Lloyd Wright erakusketa berria aurkeztu du. Bildumak Wrighten espazioaren gaineko pentsamenduaren garrantzia eta horrek bizitza modernoan izan duen eragin handia aditzera ematen dizkigu 80 proiektu desberdinen bidez. Etxe partikularrak, eraikin publikoak, bulegoetakoak, erlijiosoak, gobernuetakoak eta auditoriumak, antzokiak edo inoiz burutu ez diren hiri egiturak dira besteak beste ikusgai egongo diren piezak datorren otsailaren 14ra arte.

Erakusketa honen lanak euskarri desberdinetan aurkezten dira, hala, 200 marrazki original, garaiko maketak nahiz orain gutxikoak,erakusketarako propio taxutuak, artxibategiko eta gaur egungo argazkiak, eta Wrighten lanarekin lotutako liburuak, aldizkariak eta gutunak ere.

Bestetik, Wrighten diseinuak hobeto ulertzeko eta lagungarri izateko bideoak eta animazio digitalak sortu dira propio erakusketa honetarako. Proiektuen lan honekin
“erakusketara datozen bisitariak arkitektura ulertzeko modu berri batera hurbiltzea, bilatu nahi da, gure eguneroko bizitzaren hedadura bizia bezala”, Bilboko museoaren arduradunek azaldu dutenez.